Hvað á að gera?

Víetnam er stór, gómsætur og spennandi biti fyrir ferðafólk, hér gefur
að líta þau atriði og þá staði sem við leggjum helst áherslu á að fólk
upplifi.

• Saigon fyrir stuðið, hraðan, menjar nýlendutímans og þetta ótrúlega
  líf sem borgin býr yfir. Hvergi fæst betur miðnætursnarl, sem er eins
  gott því engin vill sofa of lengi í Saigon.

• Að sigla um óseyrar Mekong, koma við í litlum þorpum og súpa á
  hrísgrjónabrennívíni, kaupa fallega bastkörfu af gamalli konu á lúnum
  bát og rifja upp bátasenur úr víetnamstríðsmyndum.

• Friðsæld Dalat með sitt tæra og svala loft, sætar sultur, besta
  salat landsins og ævintýralega bifhjólaferð með Easy Riders. Lítið,
  fjarlægt sætt og franskt.

• Krítarhvítar strendur Mui Ne, hinar myndrænu sandöldur,
  brimbrettaævintýri, olíu og sandnudd á ströndinni og ljúfra sólbaða.

• Að ímynda sér daglegt líf hermanna Víetnkong í göngum og
  neðanjarðabyrgjum Cu Chi og prufa að skjóta af AK-47.

• Sitja undi rmessu og reyna að fatta Cao Dai sértrúarsöfnuðinn með
  sína sérkennilegu spámenn sem telja t.d. Victor Hugo.

• Sjórinn er sægrænn og tær við Nah Trang og ekki spilla fyrir
  næturlöng parý og endalaust stuðið.

• Hoi An er forn og ljúfur hafnarbær sem ber merki þúsund ára viðskipta
  við kínverja.

• Hue er nauðsynlegur viðkomustaður með fornar grafhvelfingar konunga
  Víetnam sem sátu sínum valdastóli í þessari ævafornu borg.

• Annað hvort hefst yfirreið um Víetnam í Hanoi eða hún endar þar.
  Rólegri en systurborgin í suðri býður Hanoi uppá sterka hefð í listum og
  handverki og fjölda friðsælla garða og fagurra mannvirkja.

• Enginn ætti að fara um Hoi An án þess að staldra við í My Son sem
  var höfuðstaður veldis Champa til forna, það var fyrir tíma þeirrar
  þjóðar er nú ræður ríkjum í landinu.

• Víetnamstríðið nefnist Amerískastríðið í Víetnam og það ætti enginn
  að fara um landið án þess að gefa arfleifð þessara atburða gaum enda
  erfitt að komast hjá því. Dagstund í ágengu og opinskáu herminjasafni í
  Saigon fær alla til að hugsa um stríð og frið, réttlæti, ranglæti.

• Að læra að komast yfir breiðstræti í Saígon á álagstíma. Að synda í
  gegnum flóð af vespum, reiðhjólum og bílum án þess að panikkera.

• Klífa fjöll Sapan og eiga kyrra stund með fjallafólkinu, kaupa
  fallegan vefnað og draga að sér fjallaloftið.

• Að tapa ekki tengingu við raunveruleikan í siglingu um fagra
  kalksteinskletta Halong flóa því þér getur liðið einsog hluti af
  kínversku silkimálverki því umgjörðin er svo draumkennd og fögur.

• 1.600 kílómetrara af strönd ættu að gleða sjóbuslara og
  strandvistarfólk. Allir ættu að finna strönd eða eyju við sitt hæfi.
  Köfun og snorkl er víða í boði og aðstæður frábærar.

• Markaðir og verslunartækifæri eru einstök í Víetnam. Hvort sem það er
  góss frá Víetnamstríðinu(Amerískastríðinu), perluskornir kistlar,
  silkivefnaður eða modern málverk. Markaðir í Asíu eru ævintýri útaf
  fyrir sig og það þarf ekki endilega að versla neitt, sumir koma bara til
  að taka ljósmyndir J